Monday, October 3, 2011

සුදු අක්කේ


කුසුම්සිරි අයියා
තාමත් මුර වැඩ ද ?
පොඩි එකී දැන් ලොකු ද?
අපි හිටෙවු දොඩං ගහ
පීදිලා ඇති නේද ?
ඒකෙ ගෙඩි මොන රහ ද ?

ඉස්තොප්පු පඩිය උඩ
ඇන තියං බිම බලං
කුසුම්සිරි අයිය හිටි හැටි
දැනුත් මැවි මැවී පේනවා
"අඩෝ තෝ මරනව"
කියා මට ගැහුවනං
ඒ තියා එකම එක
වචනෙකින් බැන්න නං
මේ තරං දුකක් නෑ

ඔය අතේ රහ නැතත්
මෙහෙත් මං උයනවා
දිගට දිග කවි ලියා
ඉරිදා පත්තර වලට අරිනවා
ඒ කාලෙ තරමට ම සුදු නැතත්
සුදු කමිස කන්තෝරු අඳිනවා
සුදු අක්කෙ මං හොඳින් ඉන්නවා


ඉසුරු චාමර සෝමවීර

1 comment:

  1. ඔයාගේ කවි සරල වෙන තරමට ලස්සනයි .... :)

    ReplyDelete